ووٹر فہرست سے متعلق آگاہی کے لیے ٹمکورو میں خصوصی نشست
جامع مسجد منڈی پیٹ میں مساجد کے ذمہ داران جمع ہوں گے
ٹمکورو، 16 جون (حقیقت ٹائمز)
ضلع ٹمکورو کے تمام تعلقوں کی شہری اور دیہی مساجد کے صدور، سکریٹریز اور انتظامی کمیٹیوں کے ارکان کے لیے ایس آئی آر (SIR) سے متعلق ایک خصوصی بیداری پروگرام کا انعقاد کیا جا رہا ہے، جس میں ووٹر فہرست سے متعلق عمل اور عوامی آگاہی کے مختلف پہلوؤں پر تفصیلی رہنمائی فراہم کی جائے گی۔منتظمین کی جانب سے جاری اعلان کے مطابق یہ پروگرام بروز چہارشنبہ، 17 جون 2026ء کو جامع مسجد منڈی پیٹ میں منعقد ہوگا۔ پروگرام کا آغاز نمازِ عصر کے بعد ہوگا اور یہ نمازِ عشاء تک جاری رہے گا۔اعلامیہ میں کہا گیا ہے کہ معاشرتی شعور اور کمیونٹی کی بہتر رہنمائی کے پیشِ نظر اس بیداری پروگرام کا انعقاد کیا جا رہا ہے۔ اس موقع پر شرکاء کو ایس آئی آر کے مختلف مراحل، ضروری معلومات اور عوامی سطح پر بیداری پیدا کرنے کے طریقوں سے آگاہ کیا جائے گا۔منتظمین نے ضلع ٹمکورو کے تمام مساجد کی انتظامیہ، سماجی کارکنوں اور ذمہ داران سے اپیل کی ہے کہ وہ اس اہم پروگرام میں بھرپور شرکت کریں اور اپنی فعال موجودگی کے ذریعے عوامی بیداری کی اس کوشش کو کامیاب بنائیں۔پروگرام کے اختتام پر شرکاء کے لیے عشائیے کا بھی انتظام کیا گیا ہے۔ منتظمین نے امید ظاہر کی ہے کہ ضلع بھر سے بڑی تعداد میں مساجد کے ذمہ داران اور سماجی شخصیات اس پروگرام میں شرکت کریں گی۔
Post a Comment