اقلیتی طلبہ کے لیے اسکالرشپ کی آخری تاریخ میں اہم توسیع
حکومتِ کرناٹک کا فیصلہ—مزید طلبہ کے لیے تعلیمی مواقع کھل گئے
بنگلورو، 4 دسمبر (حقیقت ٹائمز)
محکمہ اقلیتی بہبود، حکومتِ کرناٹک نے تعلیمی سال 2025-26 کے لیے مختلف اسکالرشپ اسکیموں کی درخواستیں جمع کرنے کی آخری تاریخ میں اہم توسیع کا اعلان کیا ہے۔ یہ توسیع ان طلبہ کی سہولت کے پیشِ نظر کی گئی ہے جو مختلف وجوہات کے باعث مقررہ وقت میں درخواست داخل نہیں کر سکے۔محکمہ کے مطابق پری میٹرک اسکالرشپ (جماعت 1 تا 8)، فیس باز ادائیگی اسکیم، آئی آئی ٹی / آئی آئی ایم ترغیبی اسکیم، پی ایچ ڈی فیلوشپ، بی ایس سی نرسنگ، جی این ایم اور قومی بیرونِ ملک اسکالرشپ سمیت تمام متعلقہ اسکیموں کی آخری تاریخ 31 جنوری 2026 تک بڑھا دی گئی ہے۔
مزید بتایا گیا کہ ریاست کی بعض یونیورسٹیوں کی جانب سے طلبہ کی تعلیمی تفصیلات کو آن لائن اپ ڈیٹ کرنے میں تاخیر کے باعث کئی امیدوار فیس باز ادائیگی اسکیم کے لیے بروقت درخواست جمع نہ کر سکے تھے۔ ان طلبہ کی درخواست پر غور کرتے ہوئے میڈیکل، ڈگری، پوسٹ گریجویٹ، پروفیشنل ٹیکنیکل اور پوسٹ گریجویٹ میڈیکل کورس کرنے والے طلبہ کے لیے درخواست جمع کرنے کی آخری تاریخ 15 دسمبر 2025 تک بڑھا دی گئی ہے۔محکمہ نے اہل طلبہ سے اپیل کی ہے کہ وہ مقررہ تاریخ کے اندر اپنی درخواستیں درج ذیل لنکس پر جمع کریں تاکہ اسکیموں سے فائدہ اٹھا سکیں:
https://ssp.postmatric.karnataka.gov.in
https://sevasindhuservices.karnataka.gov.in
مزید معلومات، رہنما اصول اور ہدایات کے لیے طلبہ کو محکمہ اقلیتی بہبود کی ویب سائٹ دیکھنے کی ہدایت کی گئی ہے:
https://dom.karnataka.gov.in,
Post a Comment