ڈاکٹر پی سی جعفر بنگلورو میٹرو ریل کارپوریشن کے نئے منیجنگ ڈائریکٹر مقرر
ریاستی حکومت نے تین سینئر آئی اے ایس افسران کے تبادلے کے احکامات جاری کیے
بنگلورو، 5 اگست (حقیقت ٹائمز)
کرناٹک حکومت نے آج تین سینئر آئی اے ایس افسران کے تبادلوں کے احکامات جاری کرتے ہوئے ڈاکٹر پی سی جعفر کو بنگلورو میٹرو ریل کارپوریشن (بی ایم آر سی ایل) کا نیا منیجنگ ڈائریکٹر مقرر کیا ہے۔ڈاکٹر پی سی جعفر اس سے قبل محکمۂ مالیات میں سکریٹری کی ذمہ داری انجام دے رہے تھے۔ حکومت نے انہیں اب بنگلورو میٹرو ریل کارپوریشن کی باگ ڈور سونپی ہے، جہاں وہ شہر کے میٹرو منصوبوں کی نگرانی اور انتظامی ذمہ داریاں سنبھالیں گے۔اسی حکم کے تحت تقرری کے منتظر ڈاکٹر ایم ٹی ریجو کو محکمۂ مالیات کا نیا سکریٹری مقرر کیا گیا ہے، جبکہ ٹی ایچ ایم کمار کو محکمۂ رہائش کا سکریٹری تعینات کیا گیا ہے۔ریاستی حکومت کی جانب سے جاری کردہ اس تبادلہ حکم کو انتظامی سطح پر ایک اہم فیصلہ قرار دیا جا رہا ہے، خصوصاً بنگلورو میٹرو ریل کارپوریشن میں ڈاکٹر پی سی جعفر کی تقرری کو شہری بنیادی ڈھانچے اور میٹرو منصوبوں کے تناظر میں نمایاں اہمیت حاصل ہے۔
Post a Comment