ٹپٹور کے رکن اسمبلی شڈاکشری دہلی میں اچانک علیل، آئی سی یو میں زیرِ علاج
حالت مستحکم، ڈاکٹروں کی ٹیم مسلسل نگرانی میں
نئی دہلی، 11 جون (حقیقت ٹائمز)
ضلع ٹمکورو کے ٹپٹور حلقہ سے کانگریس کے رکنِ اسمبلی کے۔ شڈاکشری کی طبیعت اچانک ناساز ہو جانے کے بعد انہیں فوری طور پر نئی دہلی کے ایک نجی اسپتال میں داخل کرایا گیا، جہاں وہ آئی سی یو میں زیرِ علاج ہیں۔ذرائع کے مطابق شڈاکشری دہلی میں قیام کے دوران کرناٹک بھون میں مقیم تھے کہ اچانک ان کی طبیعت بگڑ گئی اور انہیں بات کرنے میں دشواری پیش آنے لگی۔ صورتحال کی سنگینی کو دیکھتے ہوئے انہیں فوری طور پر میاکس سوپر اسپیشالٹی اسپتال منتقل کیا گیا، جہاں ڈاکٹروں کی نگرانی میں ان کا علاج جاری ہے۔اطلاعات کے مطابق رکن اسمبلی گزشتہ رات ناسازیِ صحت کے باعث مناسب آرام نہیں کر سکے تھے، جس کے بعد ان کی حالت مزید متاثر ہوئی۔ اسپتال میں ماہر ڈاکٹروں کی ٹیم ان کی مسلسل نگرانی کر رہی ہے۔اس دوران رکن قانون ساز کونسل راجیندر راجنا ذاتی طور پر اسپتال میں موجود رہ کر شڈاکشری کی عیادت اور علاج کی نگرانی کر رہے ہیں۔ریاست کے نائب وزیر اعلیٰ ڈاکٹر جی پرمتنے بھی شڈاکشری کی صحت کے بارے میں معلومات حاصل کی ہیں اور ڈاکٹروں سے ان کی طبی حالت کے متعلق تفصیلات دریافت کی ہیں۔فی الحال اسپتال کی جانب سے کوئی باضابطہ میڈیکل بلیٹن جاری نہیں کیا گیا ہے، تاہم ذرائع کے مطابق شڈاکشری کی حالت مستحکم بتائی جا رہی ہے اور انہیں طبی نگرانی میں رکھا گیا ہے۔
Post a Comment